Jango Fett

Jango Fett
Star Warsen unibertsoa
Argitalpena
Sortzailea	George Lucas
Ageri den obrak	ikusi Star Wars eta Star Wars II. Atala: Klonen Erasoa
Interpretatzailea	ikusi Temuera Morrison
Datu biografikoak
Hiltzailea	Mace Windu
Sexua	gizonezkoa
Jarduera	starship pilot (en) sari-ehiztaria
Familia
Seme-alabak	ikusi Boba Fett
Bestelakoak
Etsaiak	Obi-Wan Kenobi

Jango Fett Star Warseko unibertsoko pertsonaia bat da. Temuera Morrison izan zen pertsonaia honi bizia eman ziona sagako II. atala den Star Wars II. Atala: Klonen Erasoan. Sagako film honetan baino ez da agertzen. Jango Fett galaxiako mertzenario eta saribilatzailerik hoberentzat hartzen da.

Jango klonatua izateko aukeratua izan zen, hala bere berdin-berdinak ziren erreplikek osatutako armada bat osatuz. Klon hauek bizkortutako hazkuntza bat izango zuten helduarora azkar iritsi eta hala borrokatzeko adinean egoteko. Klon armadaren eredua izateagatik ordain bezala, dirutza handi bat ez ezik, bere buruaren eraldatu gabeko klon bat eskatu zuen, semetzat hartu zuena: Boba Fett.

Saribilatzaile eta banakako borrokan iaioa, Fettek mandaloriar armajantzi bat zeraman. Aipaturiko armajantzi horrek arma eta beste gauza erabilgarri ugari ditu, horien artean laban aldagarriak, arpoi bat, laserrak eta beste zenbait tresna exotiko. Borrokan, Jangok bere bultzapen poltsa erabiltzen du bere etsaien aurka altuera eta abiadura abantaila izateko. Gainera, Jangoren poltsak, honen bizkarretik jaurti daitekeen suziri bat ere badarama. Izarrarteko bidaietarako, Jangok Esklabu I izena duen bere untzia erabiltzen du.